ԱՄՆ-ի նախկին նախագահ Բարաք Օբաման եւ երաժիշտ Բրյուս Սփրինգսթինը ստեղծել են «Renegades: Born in the USA» փոդքասթը: Շոուի հաղորդավարները քննարկում են ռասայական տարբերությունները, հայրությունը, ամուսնությունը եւ կյանքը Միացյալ Նահանգներում:
Նախագծում ընդամենը ութ դրվագ է, առաջին երկուսը արդեն հրապարակվել են։ Նոր փոդքասթը կարելի է լսել Spotify-ում։
Առաջին թողարկման նախաբանում Բարաք Օբաման բացատրում է նախագծի մտահղացումը. «Ես ու Բրյուսը յուրովի փորձել ենք հասկանալ երկիրը, որը մեզ շատ բան է տվել։ Մենք փորձում ենք պահպանել այնտեղ ապրող մարդկանց պատմությունները, միջոցներ ենք փնտրում կապելու համար մեր տեսության իմաստը, ճշմարտությունը եւ հասարակությունն առհասարակ Ամերիկայի պատմության հետ»:
Հիշեցնենք, որ Բարաք եւ Միշել Օբամաները Netflix-ի հետ 6 նոր նախագիծ են պատրաստում։ Դրանց թվում են լիամետրաժ ֆիլմեր, սերիալներ եւ վավերագրական ֆիլմեր։
Հետևեք NEWS.am STYLE-ին Facebook-ում, Twitter-ում և Instagram-ում
Discussion about this post