Մադրիդի «Ռեալի» ֆրանսիացի պաշտպան Ֆերլան Մենդին պատմել է, որ առողջական լուրջ խնդիրներ է ունեցել մանկությունում:
«11 տարեկանում կարիերաս սկսել եմ ՊՍԺ-ի ակադեմիայում, սակայն շուտով ստացա ազդրի վնասվածք: Եղավ վիրահատության անհրաժեշտություն, ինչի պատճառով ստիպված էի երկար ժամանակ անցկացնել հիվանդանոցում: Մի անգամ բժիշկն ասաց, որ այլևս երբեք չեմ կարողանա խաղալ ֆուտբոլ, ինչպես նաև կարող է լինել ոտքս հեռացնելու անհրաժեշտություն: Ի ուրախություն ինձ, նման բան չեղավ: Որոշ ժամանակ անցկացրեցի անվասայլակի վրա: Շատերը մտածում էին, որ այլևս չեմ կարողանա վերադառնալ ֆուտբոլ, սակայն ես չէի կորցնում հավատը: Մոտ 1.5 տարի խաղացել եմ ազդրի ցավով, սակայն կարողացա հաղթահարել դա, իսկ հետո դառնալ աշխարհի լավագույն եզրային պաշտպաններից մեկը»,- 25-ամյա ֆուտբոլիստի խոսքը մեջբերում է AS-ը:
Հիշեցնենք, որ Մենդին 2019-ին ֆրանսիական «Լիոնից» է տեղափոխվել «Ռեալ», որի կազմում մասնակցել է Իսպանիայի ընթացիկ առաջնության 20 հանդիպման և խփել մեկ գոլ:
Հետևեք NEWS.am SPORT-ին Facebook-ում և Twitter-ում
Discussion about this post